Ispera 'e sole lyrics

Bellu s’isguardu, isplendet su sorrisu

Comente su beranu apena intrau

Cando ti bido m’intendo in paradisu

Est custu chi apo semper disizau

Intrada ses intro 'e sa vida mea

Comente nemos mai b’est resissia

Ti chirco e ti cherjo, ses che dea

Si non bi ses s’ànima mea est sidia

T’istimo ca ses fémina sintzera

De ànimu gentile e incantadora

Intelligente, sicura e vera

Pro mene ses sa musa ispiradora

Dae tene, solu frore prus profumau,

Disizo totu canta sa durcura

E cherjo chi s’aneddu in sa manu

Chi l’iscan totu cantas sas creaturas

M’ispiras custas rimas de amore

T’iscrivo chin su coro intr'e sa manu

Ca solu a tibe, puzonedda minore

Cherjo dare sentimentu galanu

T’istimo ca ses fémina sintzera

De ànimu gentile e incantadora

Intelligente, sicura e vera

Pro mene ses sa musa ispiradora