أقولها أكبر عن الدنيا حبيبي اشتقت لك
يا أصدق مشاعر عشتها وبالحب لي وجهة نظر
أنا وقلبي نتفق إن الغلا والحب لك
يا غير عن كل القلوب وغير عن كل البشر
أحتاجلك و أحتاجلك و أحتاجلك و أحتاجلك
أكثر من أنفاس الغريق إاللي جهل موج البحر
عروق قلبي تنحني من احترامك يا ملك
إن جيت في درب الغرام والقلب لك صاير قصر
^^^^^^
في عيني أنت غير .. و الله في عيوني كـمّـلك
نفس اختلاف العطر بس الزهر هو يبقى زهر
الناس في عيني سوا لكن قلبي مال لك
لإن المشاعر ما تجي بالغصب و إلا بالجبر
أحتاجلك و أحتاجلك و أحتاجلك و أحتاجلك
أكثر من أنفاس الغريق اللي جهل موج البحر
والحب نفس السيف يا يحميك و إلا يقتلك
و أنا بِـحبك في أمان الحب وأعيش العمر
^^^^^^^
أتمتم حروف الغلا وأراجعك و أتعلمك
وأكتبك في أول سطر وأكتبك في آخر سطر
ما ألوم القلب كل ما زاد الغرام و دلّلك
لإن حبك يا كبير الحب في قلبي كبر
أحتاجلك و أحتاجلك و أحتاجلك و أحتاجلك
أكثر من أنفاس الغريق اللي جهل موج البحر
لكن بسأل لو سمحت إن كان ممكن أسالك
ليش انت في عيني كبير وأقرب العالم صِغـر