Яна бир сен каби жонон борлигига ишонмасман,
Сўзингдек сўзлари доно борлигига ишонмасман.
Сочингдан тарқалур анбар десам камлик қилур, дилбар,
Бўйингдек бўйлари зебо борлигига ишонмасман.
Жим қолар қўзғиган шамол, агар сен табассум қилсанг,
Сенингдек булбули гўё борлигига ишонмасман.
Адойинг кўп, фидойинг кўп, шайдойинг кўпдир дунёда,
Сенга мендек бирор шайдо борлигига ишонмасман.
Яна бир сен каби жонон борлигига ишонмасман...