Iove cum Mercurio [88a] lyrics

(ca. 1130)

Iove cum Mercurio Geminos tenente

et a Libra Venere Martem espellente

virgo nostra nascitur, Tauro tunc latente.

Natus ego pariter sub eisdem signis

pari par coniunctus sum legibus benignis:

paribus est ignibus par accensus ignis.

Solus solam diligo, sic me sola solum,

nec est, cui liceat immiscere dolum;

non in vanum variant signa nostra polum.

Obicit «ab alio» forsitan «amatur,»

ut, quod «solus» dixerim, ita refellatur;

sed ut dictum maneat, sic determinatur.