Innu Natzionale Sardu

Procurade 'e moderare,

barones, sa tirannia,

Chi si no, pro vida mia,

Torrades a pe's in terra!

Declarada est ja sa gherra

Contra de sa prepoténtzia,

E comintzat sa passiéntzia

ln su pòpulu a mancare.

Barones, sa tirannia

procurade 'e moderare.

Mirade ch'est atzendende

Contra de 'ois su fogu;

Mirade chi non est jogu,

Chi sa cosa andat a veras.

Mirade chi sas aeras

Minetan temporadas,

Zente cunsizada male,

Iscurtade sa 'oghe mia.

Barones, sa tirannia

procurade 'e moderare.

Custa, pòpulos, est s'ora

D'estirpare sos abusos!

A terra sos malos usos!

A terra su dispotismu!

Gherra, gherra a s'egoismu!

E gherra a sos opressores!

Custos tirannos minores

Est pretzisu umiliare.

Barones, sa tirannia

procurade 'e moderare.

Si no, carchi die a mossu

Bo'nde segades su didu.

Como ch'est su filu ordidu

A bois toccat de tèssere.

Mirade chi poi det èssere

Tardu s’arrepentimentu.

Cando si tenet su bentu

Est pretzisu bentulare.

Barones, sa tirannia

procurade 'e moderare.