Infermiera lyrics

E no e no e no,

l’è menga vera

che ho scundü la mia incoscienza suta

suta el scussà de infermiera.

E no e no e no,

l’è menga vera

che un òmm sul lècc del precipizi

pensa alla tua giarrettiera.

Quanti fiö senza i vestì,

che pudevi mea tradì,

e quanti mann ne la mia mann,

a dim de mea lasài murì.

E no e no e no,

l’è mea facil

lassas ciamà

cul nom de la sua mamm

de un suldà de la tua età.

E sura il bianch de sta divisa

el sang resülta püssé russ;

e te strengevi cume se strencc un paa,

cume se strencc el sò fiö.

E han impienì de böcc la löna,

e me ho ’mpienì de garza el cör.

Te m’et scambià per la tua dona,

te m’et scambià per la tua mort.

Padre nostro bombardato,

padre dei padri che ho assistito,

varda gió,

ascolta tutti i tuoi figli strani

che pregano senza usare le mani:

quelle ci servono qui.

Padre nel fuoco di questa guerra,

come in cielo, così in terra,

dimmi almeno che vivrà.

Coi munizion de sto rusari

preghi e piangi e spari, spari, spari.

El so che pòdi mea fa distinziun,

che g’ho de tegnì la mia pusizion, però…

In questa nòcc dü se mazzen in mila,

lassum innamuras de vön,

lassum innamuras de lü.

L’ha verdü i öcc e l’ha fa un suriis

e l’ha anca imbrucà el me nom.