Indianer kriesche nit lyrics

Ich wor em fünefte Schulljohr, do wood ich fies erweesch

Ich moot dann an de Tafel wood kalkwieß em Jeseech

D'r Lehrer saat: "Zieh de Brille aus und halt' dich jetz' jut fess,

fang nur nit an ze kriesche söns kriste dubbel Driss"

Refrain

Ich möch su jän ens kriesche

Doch kriesche darf m'r nit

Schon als kleine Jung weed dir jesaat

Indianer kriesche nit

Ich möch su jän ens kriesche

Weil et m'r manchmol donoh is

Mädche dürfe kriesche, Indianer dürfe dat nit

Mädche dürfe kriesche, Indianer dürfe dat nit

Em Stadion do trofe sich jut sibbetausend Mann

Ich hatt ene jode Platz erwisch, doch de Zick die wood m'r lang

Ich wor ming Fahn am schwenke, die Junge störte dat nit

Zwei zu eins verlore, FC-Fans kriesche nit

Refrain

Ich kumme grad vum Zahnazt, ich daach ming Zäng sin ful

Et Uschi hatt ze mir jesaat: "Du stinks schwer us dem Mul."

Hä dät och janit bore, ich daach ich künt noh Huss

Hä saat: "Ding Zäng sin prima, doch et Zahnfleisch muß erus."

Refrain

Am Samstachovend soße mer vürm Fernseher parat

Un han wie immer janz jespannt op de Lottozahle jewaat

Eets 4, dann 5, dann alle 6, ich moot direk nom Klo

Do saat ming Frau: "Schäng, he es d'r Sching, et Büdche hatt allt zo!"

Refrain