In su Riu Mannu lyrics

In su Riu Mannu, cando s’isciucaiat

Cantende mutos de amore e sonniende,

A s’umbra ‘e s’àlinu mi dromia,

A tie pensende m’ischidaia.

Allegra e cuntenta rientraio a domo

Cantende ancora cun boghe armoniosa;

A s’amore meu improvisaia

Cantones bellas e affetuosas.

Tristu destinu sa vida t’at truncadu

Cando una die, in mare divertende,

Undas cudreles t’an ingullidu

Lassende a mie semper suffrende.

Dae cando tue pro semper m’as lassadu

Sa vida passo in penas e turmentu,

Notte e die pianghende

Continu a tie ti so invochende.

Su coro meu torret a s’allegria

E sa tristura si la jutat su ‘entu.

Sos versos mios improvisados

A totus dian gioja e cuntentu.