In meinem Leben [Macedonian translation]

Во мојот живот често сум летала,

длабоко паѓала и, исто така, понекогаш потонувала,

сум победувала и сум губела,

сум умирала, и одново сум се раѓала,

сум давала и сум земала,

и ние еден со друг се најдовме и толку далеку стигнавме.

Кон себеси сум била блиска, и пак одново странец,

тоа се должи на осаменоста

и дека никој не ме познава*.

Не сакам сиромашна да бидам, и парите не ме прават богата,

понекогаш животот е тежок и најчесто мислам дека е лесен.

Сум плачела и сум се смеела,

и, конечно осознала, што поубава ме прави.

Сум пиела, и сум пушела

и мојата сила потполно трошела,

и јас повторно на нозе станувам, пак има живот,

пак има сонце.

А ти си тука, ја држиш мојата рака и се смееш,

бидејќи ме познаваш подобро отколку јас себеси,

вљубена сум во тебе,

животот без тебе не сакам да го замислам.

Во мојот живот често сум летала,

исто така лажела, и тебе и себе измамила,

сум сакала, и сум била од љубов опиена.

Летав нагоре кон небото и многу длабоко потонував,

духовно пропаѓам и потоа повторно се издигнувам,

живеам толку здраво, и исто така дрога земам,

ги бројам годините, и не ги бројам,

во темнина стојам, и светлината ми се допаѓа.

А ти си тука, ја држиш мојата рака и се смееш,

бидејќи ме познаваш подобро отколку јас себеси,

вљубена сум во тебе,

животот без тебе не сакам да го замислам.

Ги сакам некои луѓе, и некои ме сакаат мене,

а тие, кои не ме сакаат, не ми недостасуваат,

ги сакам моите деца, и те сакам тебе,

и понекогаш потполно ништо не чувствувам, дури и себеси тогаш не.

Си посакувам мир и спокојство,

едно срце, што секогаш топло е,

се уште не сум спремна, и слободата ми годи,

понекогаш се повредувам, но и се чувствувам силна,

дури и ако сега не стојам така исправена,

мојот страв од умирање се претвора во воздух,

полека се губи, бидејќи животот ме вика.

Вљубена сум во тебе,

животот без тебе не сакам да го замислам,

со тебе сакам да продолжам и те следам,

а и ти, исто така добиваш од мене.

Вљубена сум во овој живот

и останувам засекогаш тука, крај тебе.