In den tîden van den jâre lyrics

1.

In den tîden van den jâre

dat dî dage werden lanc

ende dat wéder weder clâre,

sô ernouwen openbâre

merelâre heren sanc,

dî uns brengen lîve mâre.

gode mach hers weten danc

dê hevet rehte minne

sunder rouwe ende âne wanc.

2.

Ich wil vrô sîn dore here êre

dî mich hevet dat gedân

dat ich van den rouwen kêre

dê mich wîlen irde sêre.

dat is mich nû sô ergân:

ich bin rîke ende grôte hêre,

sint ich mûste al umbevân

dî mich gaf rehte minne

sunder wîc ende âne wân

3.

Dî mich drumbe willen nîden

dat mich lîves ît geschît,

dat mach ich vele sachte lîden,

mîne blîtscap nît vermîden

ende enwille drumbe nît

nâ gevolgen den unblîden,

sint dat sî mich gerne sît

dî mich dore rehte minne

lange pîne dolen lît.