Imprentas de Anima [Polish translation]

Dae cando minoredda, minoredda meda fia

dae bàsciu ti mirabo, unu gigante mi parias,

e amorosas manos abratzaban frecuente

sa fiza chi costante ti tenet in coro e in mente.

E oe chi su tempus, fortzis chena piedade,

ti sinnat in sa cara sos surcos de s’edade,

unu gigante 'ido ancora pius mannu,

parat fronte a su tempus e a su disingannu.

E como beni e lassa chi sia deo a t’abratzare,

e làssati leare in bratzos dae sa mia fantasia

e dae sa 'oghe mia…

Ti dia chèrrere ammustrare donzi bellesa

chi Deus at creadu in totue, 'ogni richesa:

forestas e trainos, baddes, montes e marinas

e de s'homine antigu su sinnu e sas fainas.

E sighinde s'andera umpare a passu lentu

iscurtare dia chèrrere donzi contu e ammentu,

e frimare lu dia su tempus in cuss’istante

ca daghi semus paris no est mai bastante

E como beni, ca tenes galu meda 'e m'insinzare.

Cherzo iscurtare sa 'oghe tua ch'est sabiduria

e puru melodia…

E oe chi su tempus, fortzis chena piedade,

ti sinnat in sa cara sos surcos de s'edade

unu gigante ‘ido ancora pius mannu,

parat fronte a su tempus e a su disingannu.

E làssati leare in bratzos dae sa mia fantasia

e dae sa 'oghe mia, e dae sa 'oghe mia…