Imperayritz de la ciutat joyosa lyrics

Imperayritz de la ciutat joyosa

De paradis ab tot gaug eternal

Neta de crims de virtuts habundosa

Mayres de Dieu per obra divinal

Verges plasen ad fas angelical

Axi com sotz a Dieu molt graciosa

Plàcaus estar als fizels piadosa

Pergant per lor al Rey celestial

Rosa flagran de vera benenança

Fons de mercé iamais ne defallen

Palays d'onor on se fech l'aliança

De deu e d'hom per nostre salvamen

E fo ver Dieus e hom perfetamen

Ses defallir en alcuna substança

E segons hom mori senes dubtança

E com ver dieus levéch del monimen

Flor de les flors dolca clement et pia

L'angel de Dieu vesém tot corrocat

E par que Dieus lamandat qu'ens alçia

Don ell es prest ab l'estoch affilat

Donchos plaça vos que'l sia comandat

Qu'estoyg l'estoch e que remes non sia

Tot falliment tro en lo present dia

Ens done gaug e patz e sanitat