ԻՄ ՏՈՒՆՆ ԱՆԻՎՆԵՐԻ ՎՐԱ [Im tun anivneri vra] [Transliteration]

Իմ տունն անիվների վրա

Կգլորվի ու կգնա,

Մի օր ինձնից կհեռանա

Իմ տունն անիվների վրա:

Տունս մի օր կառնի թևեր,

Ինձ կթողնի, կթռչի վեր,

Ու կճոճվի՝ լուսնից կախված,

Կյանքիս հեքիաթն իմ հնարած:

Ես ունեմ երեք փոքրիկ՝

Մի տղա, երկու աղջիկ,

Իսկ նրանք ունեն մայրիկ

Եվ երգեր գրող հայրիկ:

Իմ երգն անիվների վրա

Ինձ կլքի ու կգնա,

Մի օր ինձնից կհեռանա

Իմ երգն անիվների վրա:

Երգերը իմ կառնեն թևեր

Եվ իմ սրտից կթռչեն վեր,

Էսպես հերթով, շարան-շարան

Նրանք ինձնից կհեռանան:

Ես ունեմ տարբեր երգեր՝

Իմ կյանքից պոկված դեպքեր,

Սա իմ կյանքն է, ի՛մ ընկեր,

Որ փորձում եմ ես երգել:

Իմ կյանքն անիվների վրա

Կգլորվի ու կգնա,

Մի օր ինձնից կհեռանա

Իմ կյանքն անիվների վրա:

Իմ կյանքն անիվների վրա

Մի օր ինձնից կձանձրանա,

Նա կհոգնի ու կգնա,

Իմ կյանքն անիվների վրա: