Իմ օրորան [Im ororan] lyrics

Երկնից իջած աստղափունջ ես ձորերի մեջ,

Ճոխապատկեր քո երեկոն ցոլքերի մեջ,

Հայոց բախտի պատմություն ես ժայռերի մեջ,

Զավակներդ արժիվներ են, իմ օրորան,

Կուռ լեռներդ քեզնով անպարտ, իմ օրորան:

Իմ սերը քո ծաղկանց մեջ է,

Միշտ կվառվի, իմ օրորան,

Սիրող սրտի հուրն անշեջ է,

Միշտ կվառվի, իմ օրորան:

Հազարամյա լեռները քո շարքեր կազմած,

Ասես Դավթի էն քաջերն են արձանացած,

Հիմնաքարդ հողմերի մեջ կուռ ամրացած,

Զավակներդ արծիվներ են, իմ օրորան,

Ուժ են առնում կուռ լեռներեն, իմ օրորան:

Սրնգահար Աշոտն եմ քո սեգ սարերի,

Այժմ` գուսան, տաղեր կասեմ քո ժայռերին,

Ես կգնամ, երգս թողած ծաղիկներին,

Գալիքը քո հույս հավատով իմ օրորան,

Հասակ կառնես նոր սերունդով, իմ օրորան:

Իմ սերը քո ծաղկանց մեջ է,

Միշտ կվառվի, իմ օրորան,

Սիրող սրտի հուրն անշեջ է,

Միշտ կվառվի, իմ օրորան: