Il suicidio del femminella: jesce sole lyrics

- Li brache dellu mio ammore me voglio ve’

Li brache dellu mio ammore me voglio ve’

Me voglio vennere

E facitemmelle accattare, oi belli fe’

E facitemmelle accattare, oi belli fe’

Oi belli fe’, belli femmene

L'auciello dellu mio ammore se ne vo' fu’

L'auciello dellu mio ammore se ne vo' fu’

Se ne vo' fuiere

E 'ncappatelo stritto 'mmano, oi belli fe’

E 'ncappatelo stritto 'mmano, oi belli fe’

Oi belli fe’, belli femmene

La vocca dellu mio ammore mò vole ve’

La vocca dellu mio ammore mò vole ve’

Mò vole vevere

E facitemmella zucare, oi belli fe’

E facitemmella zucare, oi belli fe’

Oi belli fe’, belli femmene -

- Ué maronna maronna

E quanta figlie tene ‘sta mamma

Uno me l'ha prummiso

E mmò a mme nun m' 'o vo' dare... -

- E ce steva nu scarparo

Ca teneva 'a suglia 'mmano

'A mugliera c' 'o scartiello

O scassaie 'o bancariello

Quanno mmiezo me truvaie

'o scarparo jastemmaie

Jastemmaie Gesù e Sant'Anna

E carette 'a copp' 'o scanno -

- Rint' 'o viculo 'e filumena

Llà nce sta 'na gatta prena

Nun appena ch'è sgravata

Tutt' 'e figlie s'ha magnato -

- Sott'a n'albero accuvato

Ce sta n'uorco 'nnammurato

Si nu pireto ce mena

Ogni pianta esce prena -

- Mmiez' 'o campo chin' 'e fave

Steva 'o ciuccio 'e gnora vava

Nun appena c'arragliava

Oro e argiento ce cacava -

- E 'nu rre s 'annammuraie

'E 'na vecchia guallarosa

Ma tuccannole 'a brioscia

'A menaie 'a copp'abbascio -

- 'A bonanema 'e ron Arturo

S'accustaie 'o cufenaturo

S'arrubbaie 'o muccaturo

E nun me l'ha rato cchiù -

- Chillo è 'o muccaturo mio

Ca me rette mamma mia

M' 'o vennette a tiempo antico

Ca chiuveva passe e ffiche -

- Pass'e ffiche cu 'a scarola

Chell'a gatta è mariola

P'abballa' 'ncopp' 'e riggiole

S'è abbuffat' 'a pummarola -

- E abbuffatela cu 'e ppezze

Chesta panza cu ddoi zizze

'Ncuorpo miettece 'na mazza

Si sta prova s'hadda fa' -

- 'Nterr' 'a spiaggia 'e Margellina

M'è caruto nu scarpino

Femmene' vieneme 'nzino

Si 'stu pere vuo' alliscia' -

- Ma io tengo chi m'alliscia

'A lavannara nun 'o ccapisce

'O cane arreto 'a porta piscia

Quanno piscia e vvo' trasi' -

- È trasuto a mmiezujuorno

Femmene' me metto scuorno

Ma si n'ata vota tuorne

Cu te voglio pazzia'-

- E pazzianno pazzianno

S'è aizato fino 'nganna

S'è 'ntustat' 'o sciuttapanno

Pe' fa' asci' 'o paperascianno

Quanno jette 'o ranatieilo

Pazziaie 'o panariello

Quanno jette a ssantu rocco

Pazziaie 'o sott'e 'ncoppo

Pazziaie arreto e annante

E ascette 'na cosa tanta

M'aizaie 'a cammesella

E ascette 'na cosa bella

Oi ma', si nun ce crire

Va a vvere' ca t'arrecrie

Sette arreto e vvinte annanze

Se 'mbriacano 'e vvalanze

Quanno perdono 'a crianza

Pure 'o rre cu 'a panza 'nnanze... -

- E aluzze aluzze

'E cant' 'o mare ce sta' nu puzzo

E vva te ce vutte

Ca si no muore bell'e dannato!... -

- Maronna!... S'è acciso!... -

Jesce sole

Jesce sole

Jesce sole

Nun te fa' cchiù suspirà!

Siente mai ca li ffigliuole

Hanno tanto da prià?

Hanno tanto da prià?

Hanno tanto da prià?

Da prià?

Sole, jesce sole

Sole, jesce sole

Jesce sole

Jesce sole

Nun te fa' cchiù suspirà!

Nun te fa' cchiù suspirà!

Sole, jesce sole

Sole, jesce sole

Jesce sole

Jesce sole