Il suffit de passer le pont [Breton translation]

Trawalc'h eo tremen ar pont,

en avantur e vezer diouzhtu!

Lez ac'hanon da gregiñ ez lostenn,

da gas a ran ganin evit ergerzhout an natur.

Ken flour eo ar geot d'ar Sul ar Palmez...

distaolomp ma botoù-kad ha da votoù-laer

ha skañv evel menniged

redomp war-lerc'h ar c'hloc'hadennoù:

bimbalaoñ! Emañ ar matinezoù o seniñ

en enor d'hon eürusted;

bimbalaoñ! Arabat lârout grik da zen,

gwalc'het em eus e zorn d'ar c'hloc'her

Lez ac'hanon da gregiñ ez lostenn,

redomp, lirzhin-me, lirzhin-te!

Trawalc'h eo tremen ar pont,

hag emeur e rouantelezh ar bleuennigoù...

Diouzh touez ar re gaer 'zo amañ,

divinout a ran an hini a blij muioc'h dit:

a-drugarez Doue, n'eo ket ar roz-moc'h

nag ar boked-koukoug, ar boked-hañv ne lâran ket.

Gwelout a ran unan tamolodet dindan an delioù,

eus voulouz e vez-eñ, par d'az tivjod.

Chom war evezh, tra m'e gutuilhan:

"biskoazh n'em eus karet hini nemedout".

Tri lammig zo a-walc'h,

diouzhtu ez eus jabadao 1.

Lez ac'hanon da gregiñ ez lostenn,

damant am bo eus da zantelezh.

gwalc'het em eus e zorn d'ar paotr-deñved

evit ma sono ur ganadenn.

Neuze, ma c'haredig, kuit a soñjal en dañjer,

greomp kant ha kant fringadenn.

Skeiñ-diskeiñ a ra da droad ouzh ar c'hinvi...

Mar deu an askol d'en em sankañ ennañ,

arabat leñvañ, ma c'haredig o c'houzañv:

e dennañ a rin er-maez gant ma dent.

N'hon eus tra ken da guzhat unan diouzh egile,

gallout e c'hellomp en em garout diouzh hor faltazi,

ha gwell-a-se mard eo ur pec'hed:

mont a raimp d'an Ifern a-gevret!

Trawalc'h eo tremen ar pont,

lez ac'hanon da gregiñ ez lostenn.

Trawalc'h eo tremen ar pont,

lez ac'hanon da gregiñ ez lostenn.

1. "La tarantelle" en destenn orin, hag a vez un dañs diouzh kreisteiz Bro-Itali.