Ich will nû teilen, ê ich var [German translation]

Ich will nû teilen, ê ich var,

mîn varnde guot und eidens vil,

daz ieman dürfe strîten dar,

wan den ichz hie bescheiden wil:

al mîn ungelücke will ich schaffen jenen,

die sich hazzes unde nîdes wenen,

dar zuo mîn unsælikeit.

mîne swære

haben die lügenære,

mîn unsinnen

schaffe ich den, die mit velsche minnen,

den frouwen nâch herzeliebe senendiu leit.