Ich was durch wunder ûz gevarn [English translation]

Ich was durch wunder ûz gevarn

dô vant ich wunderlîchiu dinc

ich vant die stüele leider lære stân

dâ wisheit adel und alter

gewaltig sâzen ê

hilf frowe maget hilf megde barn

den drîn noch wider in den rinc

lâ si niht lange ir sedeles irre gân

ir kumber manicvalter

der tuot mir von herzen wê

ez hât der tumbe rîche nû ir drîer stuol ir drîer gruoz

owê daz man dem einen an ir drîer stat nû nîgen muoz

des hinket reht und trûret zuht und siechet schame

diz ist mîn klage noch klagte ich gerne mê.