Ich hân mîn lêhen al die werlt [English translation]

Ich hân mîn lêhen al die werlt ich hân mîn lêhen

nu enfürhte ich niht den hornunc an die zêhen

und wil alle boese hêrren dester minre vlêhen

der edel künic der milte künic hât mich berâten

daz ich den sumer luft und in dem winter hitze hân

mînen nâhgebûren dunke ich verre baz getân

si sehent mich niht mêr an in butzen wîs als si wîlent tâten

ich bin ze lange arn gewesen âne mînen danc

ich was sô volle scheltens daz mîn âten stanc

daz hât der künic gemachet reine und dar zuo mînen sanc.