ابقي افتكريني [Ib2i Iftkrini] lyrics

ابقي افتكريني، مقصدتش إنك تكرهيني

لكني منفعكيش، مقولتش مش هتنفعينى

أكتر انسانة، لقيتها وقت الحاجة

بتقولي احرقني، لو كان رمادي علاجك

كان كل حلمك، أعملك اغنية بتحمل اسمك

لكني أغلى سطر كتبته أبخس من ضفر رجلك

ابعدي هتتعوّدي، على بعدي لكن ثقي

إن انتي أشرف فصل عالإطلاق ف فصول قصتي

ده أنا بعدك حتى معرفتش أﻻقي ف وحدة ملجأ

ألجأ إليه، حضنك قبلة قلة حيلتي الثابتة

ده اللي شايله جوا مني ليكي مش مجرد

حب معرض، إني ف لحظة فيه أفرط

أنا اللي شايله ليكي ف قلبي شعور أبوة بحت

ومش هكذب عليكي لما بعدتك عني ارتحت

عشان بسوئي قابلت كل حسنة فيا بتعمليها

عشت وشفت القطة بتاكل عيالها عشان تحميها

سبب وداعنا، مش أكبر من إحساس جمعنا

لكن في البعد عبرة تدي للي بيننا معنى

سبتك لأني، أنا اللي هتبقى أم ﻻبني

ﻻزم استاهلها قبل ما هي تستاهلني

عشتي معايا من البداية اﻻنفصام بمراحله

كان نفسي أشوف أحمد ف الزفة جنبك كنت أفرحله

لكن جوكر كسب، ف اللى باقي من أحمد بعد

لأجل ما يمنع جوكر إنه يكون سبب ف نزول دمعتك

والمشكلة، إن أنا وصلت لحد هنا

بمساعدة منكم انتو بعد مساعدة من ربنا

لكن وصولي، زائد تصقيف جمهوري أكدولى ..

إن جوكر قادر يرد للزمن قلم ادهولي

قولت هكون أحمد معاكو جوكر معاهم حصل

نسبة خطأ، خرج جوكر من ساعتها عن السيطرة

فـ صدقيني، بعدي كان عشان أحميكي

مش ببرر الغلط لنفسي لكن عشمان فيكي تسامحيني

لو حتى باعتبار، إني لما لقيتنى نار

اخترت بعدي عنك لأجل ميصيبكيش أضرار

واتراميت، ف حضن ناس منهم قاسيت

الطيبون للطيبات ف مستحيل يجمع ما بيننا بيت

سبب وداعنا، مش أكبر من إحساس جمعنا

لكن ف البعد عبرة تدي للي بيننا معنى

سبتك لأني، أنا اللي هتبقى أم ﻻبني

ﻻزم استاهلها قبل ما هي تستاهلني

(x2)