I syng of a mayden [Portuguese translation]

I syng of a mayden

þat is makeles,

kyng of alle kynges

to here sone che ches.

he came also stylle

þer his moder was

as dew in aprylle,

þat fallyt on þe gras.

I syng of a mayden

þat is makeles,

kyng of alle kynges

to here sone che ches.

he cam also stylle

to his moderes bowr

as dew in aprille,

þat fallyt on þe flour.

I syng of a mayden

þat is makeles,

kyng of alle kynges

to here sone che ches.

he cam also stylle

þer his moder lay

as dew in aprille,

þat fallyt on þe spray.

I syng of a mayden

þat is makeles,

kyng of alle kynges

to here sone che ches.

moder & mayden

was neuer non but che –

wel may swych a lady

godes moder be.

I syng of a mayden

þat is makeles,

kyng of alle kynges

to here sone che ches.