Jo wenn d'r Aufzoch klemmp un de Mülltonn brennt
Un em janze Huus et Leech usfällt,
Es em drette Stock d'r Klo verstoop,
Alles weed bei mir jemeld'.
Och wenn Wasserrühre lecke,
Dun se mich och naaks für wecke.
Dat es minge Job.
Dreck en d'r Eck un ne Fleck an d'r Deck,
Sidder dann jeck, wem es da Dreck? Muss weg!
Hey Kaczmarek - jo jo.
Hey Kaczmarek - Ben schon do.
Hey Kaczmarek - Wat es loss?
Hey Kaczmarek - Ich kumme.
Huusmeister - Siedlungskontrolletti,
Huusmeister - alles fess em Griff,
Huusmeister - alles schön paletti
Huusmeister - met d'r Werkzeuchkiss.
Decke Schruve, dönne Schruve,
Dübbele für enzemuure,
Säjeblädder, Winkelieser,
Bohrmaschine, Schliefmaschine,
Röllche für Jadingeschiene,
Ratschekaste, Pinselquaste,
alles en d'r Werkzeuchkiss.
Et jitt immer jet ze säje,
Jet ze bohre oder fräse,
Lieme, näle oder Klingeldroht verläje,
Dachantenne amputiere, installiere,
Stromzählerkaste kontrolliere
Hey Kaczmarek - Wat läuf?
Hey Kaczmarek -Keen Zick!
Hey Kaczmarek - Muss weg!
Hey Kaczmarek -Manjana!
Huusmeister - Siedlungskontrolletti,
Huusmeister - alles fess em Griff,
Huusmeister - alles schön paletti
Huusmeister - met d'r Werkzeuchkiss.
Ja Sauerei, wä mät he Fesch,
Et stink he em Huus wie en Feschbrotköch.
Ach, Frau Kraus, maat Ihr hück Fesch,
Ja, joot, dann setz ich mich met an d'r Desch
un loren dann, wenn ich noch kann,
wie immer ens flöck noh d'r Badewann.
Ich don wat ich kann, stonn immer minge Mann.
Huusmeister - Siedlungskontrolletti,
Huusmeister - alles fess em Griff,
Huusmeister - alles schön paletti
Huusmeister - met d'r Werkzeuchkiss.
Hammer keine Hammer, jo wo hammer en dann?
Hammer keine Hammer, jo dann nemme mer de Zang.
Hammer keine Hammer un finge mer keen Zang,
Ja, dann nemme mer su lang de Isestang.
Hibbe di Hipp Hipp, de Hibbe di Hopp
Do haue mer de Näl met d'r Stang op d'r Kopp.
Hobbe di Hopp Hopp di Hobbe di Hipp
Decke Schruve, dönne Schruve, Finsterkitt