Հուրն արևի [Hurn arevi] lyrics

Սիրուն, մի՞թե երազ էր, եկար դուռս բախեցիր,

Սարից իջնող հովի պես, ներս մտար ինձ գգվեցիր,

Ախ ինչ լավ է, երբ հեռվից, ղարիբն իր տունն է գալիս,

Լույս է սփռում օջախում, շեմին նոր տեսք է տալիս,

Ա՜խ, քո սերն ինձ այրում է:

Պակսում է հուրն արևի,

Վայ թե հուրն առնում ես դու,

Սիրատոչոր նայողիդ,

Ամռան պես վառում ես դու:

Ծիրանագույն գիշեր էր, խնդաց կանչող իմ սիրտը,

Շշուկներից քո սիրո բացվեց կարոտ իմ սիրտը,

Սիրող սրտին ինչ դադար, քուն մտնելու պահ չունի,

Սիրտը սիրուց կտանջվի, բայց նրանցից մահ չունի:

Ա՜խ, քո սերն ինձ այրում է:

Երազի պես դու եկար, Արազի պես գնացիր,

Հոգեպարար հուշ դարձար երգերիս մեջ մնացիր,

Քո Աշոտի երգերը ցողեր կտան թփերին,

Երանություն կբերեն սրտերին ու սրբերին:

Ա՜խ, քո սերն ինձ այրում է:

Պակսում է հուրն արևի,

Վայ թե հուրն առնում ես դու,

Սիրատոչոր նայողիդ,

Ամռան պես վառում ես դու: