Χούι Χούι [Hui hui] [Turkish translation]

Όσα κορτσόπα εχωρούν,

απές ´ς σην καρδία μ’ θέκω

κι’ ατώρα εύρα την πελιά μ’,

τόπον ´κι έχω να στέκω.

Ρεφραίν:

Ναϊλλοί εμέν ντο έπαθα,

μανίτσα μ’ χούι χούι,

Ο κόσμον μίαν αγαπά,

κι’ εγώ 'ποίκα το χούϊ,

Όλ(ι)α σην καρδία μ’ έχ’ ατά,

έναν απέξ ´κι βγάλω

κι’ ατώρα λες με μέτρα ´τα,

τ’ ημσά θ’ ανασπάλλω,

Ρεφραίν:

Καρδία μ’ θα ευκαιρώνω σεν,

ασ’ όλ(ι)ον το καλλίον,

θα παίρω ν’ αναπαίεται,

ο νους κι’ η ψυ μ’ ολίγον

Ρεφραίν: