Hljóða nótt, heilaga nótt lyrics

Hljóða nótt, heilaga nótt.

Hvílir barn vært og rótt.

Betlehemsstjarnan með blikinu, skær,

boðar um jörðina tíðindin kær.

Mikil er himinsins náð,

Mikil er himinsins náð.

Hljóða nótt, heilaga nótt.

Heimi í sefur drótt.

Víða þó hirðarnir völlunum á

vaka í myrkrinu fé sínu hjá;

beðið er sólar og dags,

beðið er sólar og dags.

Hljóða nótt, heilaga nótt.

Himnesk skín ljósagnótt.

Engillinn fagur með orðin svo hlý

ávarpar mennina rökkrinu í:

Lausnarinn fæddur nú er,

Lausnarinn fæddur nú er!

Hljóða nótt, heilaga nótt.

Hjarðmenn burt fara skjótt.

Blíðasti drengur með blessun og frið

brosir í jötunni gestunum við,

helgandi fjárhúsið lágt,

helgandi fjárhúsið lágt.

Hljóða nótt, heilaga nótt.

Hjörtu glöð bærast ótt.

Vitringar, komnir um víðustu lönd,

vegmóðir leggja í frelsarans hönd

reykelsi, myrru og gull,

reykelsi, myrru og gull.

Hljóða nótt, heilaga nótt.

Háleit orð spyrjast fljótt.

Krjúpa í lotningu kotið og höll.

Konungi alheimsins fagnar þjóð öll.

Guði sé vegsemd og dýrð,

Guði sé vegsemd og dýrð!