هه‌ستی راساو [Hestî Rasaw] [Transliteration]

هه‌ستی راساوی ئه‌م گه‌له‌ی، ئاره‌زووی بووژانه‌وه‌ی

ئه‌شق و شووری ئاگرینی سه‌رده‌می هه‌ستانه‌وه‌ی

مه‌رگی سوورت ژینی تازه‌ی دا به‌ گیانی سه‌نگه‌ران

به‌رخۆدانت مه‌شخه‌لێکه‌ وا به‌ ده‌س تێکۆشه‌ران

تۆ به‌زاندت ئه‌و سنووره‌ی دوژمنی دڵڕه‌ش ته‌نی

وه‌ک سروودی سه‌روه‌ریمان، ده‌نگی ئازای سه‌رده‌می

تۆ حیماسه‌ی خۆشه‌ویستی، پڕ په‌یامی باوه‌ری

ئاوه‌دانی ڕێی خه‌باتی، جه‌ربه‌زه‌ی جه‌نگاوه‌ری

شۆڕشێکی گه‌رمه‌ یادت، دڵنیا به‌ هه‌ڵ ئه‌که‌ی

چه‌شنی بوورکان سه‌رئه‌کێشی، گڕ له‌ دوژمن به‌رئه‌ده‌ی