Ba bû
Seqema serê sibê bû
Her der spî, her der gewher bû
Her der roni, her der muqedes bû
Jiyana xort, rojên bihûrî bi bîra wi hatibû
Zaroktî, mala mezin, koşka jor
Kûçe û kolanen teng, bîrên kûr
Bax û rez, av û çem, gund û zozan
Tirî û hejîrên bav û kalan
Keskesora barana biharan
Dengê kahr û berxan
Govend bû
Jı rojên bihûrî govend bi bîrê hatibû
Dawet û dîlan li dar bû
Dinya mîna mehfureke rengîn a kurdî xweş
Mîna destaneke kevnar geş bû
Ew li serê gowendê bû
Coş li ser dil ken li ser rû
Ew govenkêşê dîlanê bû
Xwendin û dibistan dîsan xwendin û dibistan salên unîversîtê
Ev hemû, ev hemû niha li bîra wî bû
Bîr bûbû kevokeka bi firê ketibû