Հերոս տղա [Heros tygha] lyrics

Ոսկե աստղ կրծքիդ վրա հերոս դառած բարով եկար,

Իմ հայրենի հովերի հետ` ծաղկանկար սարով եկար,

Հազար գուսան երգ երգեցին, երգի ճանապարհով եկար,

Լույսեր վառած երկինք դառած, մեր Սևանի ափով եկար,

Ձեռքիդ ծաղկե փնջեր կապած, վարդ ու նունուֆարով եկար:

Մեր հանդերի բուրմունքն ես դու, իմ սիրելի, նազիդ մեռնեմ,

Մազերդ ցողն է համբուրել, ցողաթաթախ մազիդ մեռնեմ,

Սազդ հանիր, անուշ երգիր, անուշ երգ ու սազիդ մեռնեմ,

Սրտիս խորին կարոտն առնող յար ջան քո մուրազիդ մեռնեմ,

Աղբյուրների ջրերի պես անմահական սիրով եկար:

Գուսան Աշոտ, մեր բաղերում ոսկե աստղի շողն է անուշ,

Հերոսների ձեռքով ծաղկած, գարուն դառած հողն է անուշ,

Վարդի վրա նստած գոհար` գարնանային ցողն է անուշ,

Մեր աշխարհին, հողին, քարին ուրախ կյանք տվողն է անուշ,

Մեր բաղերի ծաղկահանդես ցողաթաթախ ճամփով եկար: