Hej, Ty Zemjo | Хеј, Ты Земјо [Russian translation]

Хеј, вы горы, хеј вы лєсы,

Слышите мој глас!

Ја ту пєсњу пєвам дабы

поздравити вас, поздравити вас.

Јесм вам много благодарны

за всакы ваш дар.

За то, же мене крмите,

за зелењи чар, за зелењи чар.

Хеј, вы рєкы, хеј, језера,

колико уж лєт

давајете људам живот,

кторы плыве в свєт, кторы плыве в свєт?

Вы јесте изтоком житја,

благодарју вам

за то, же вы давајете

вашу воду нам, вашу воду нам.

Хеј, вы травы, хеј, вы дрєва,

мојеј пєсње тон

јес великым прославєнјем,

звучи како звон, звучи како звон.

Ваше дары, земске плоды

скарбом сут за нас,

ако ли бы вас не было

скупы тут наш час, скупы тут наш час.

Водо, огњу и воздуше,

благодарју вам.

Умрл бых тут на том свєту,

како бых был сам, како бых был сам.

Хеј, ты Земјо, наша Земјо,

ја јесм како тєњ.

Хчу прєжити тут с тобоју

јешче једин дењ, јешче једин дењ.