ضحكة بتطلع م القلب
بنعيشها أنا وانت في حب
ونقول للوقت يفوت بشويش
مع بعض لحد الفجر
أنا وانت في نفس الكادر
أجمل من كده يا حبيبي مفيش
كل دقة ف قلبي بتناديك
كل حضن أنا باخده من عينيك
كل لحظة بيعشها بين إيديك
تسوى عندي حياة
كل صورة بتحكي في حكايات
لمّا نكبر تبقى ذكريات
ده اللي عدّى حبيبي واللي فات
مستحيل ننساه
حياتك في صورة بكرة تبقى ذكرى أحلى أيام
لعيونك قلبي اتشد
طول ما انتَ معايا بجد
العالم كله ميلزمنيش
ده أنا بيني وبينك وعد
نفضل دايمًا مع بعض
وإيديك في إيديا مابتسيبنيش