Հաբրբան [Habyrban] lyrics

Տ: Հա՛բրբա՜ն:

Ա: Ջա՛նեջա՜ն:

Տ: Սիրել եմ` սերն երեսին,

Անթառամ թերն երեսին.

Ով իմ սիրածն ինձ չիտա,

Աստծու կերն երեսին:

Ա: Հաբրբա՛ն:

Տ: Ջանեջա՛ն:

Ա: Սարի թրթնջուկ թազա,

Մեղր ու շաքար քեզ մազա.

Ինձ պես նազանի աղջիկ

Քեզ պես տղին ո՞նց սազա:

Տ: Հա՛բրբա՜ն:

Ա: Ջա՛նեջա՜ն:

Տ: Պզտի՛կ աղջիկ, համ ունիս,

Չորեքդիմաց ծամ ունիս,

Խունջիկ-մունջիկ մի՛ անի,

Ինձ առնելու կամ ունիս:

Ա: Հաբրբա՛ն:

Տ: Ջանեջա՛ն:

Ա: Գութանդ հոլա՛, հոլա՛,

Գութանիդ տակը քոլա.

Քանի գժություն անես,

Քեզի առնողը տոլա:

Տ: Հա՛բրբա՜ն:

Ա: Ջա՛նեջա՜ն:

Տ: Ձեր տան տակին վար կանեմ,

Չար ագռավին քար կանեմ.

Թող իմ սիրածն ինձի տան,

Գժությունս թարկ անեմ:

Ա: Հաբրբա՛ն:

Տ: Ջանեջա՛ն:

Ա: Ջուրը իր ճամփով կերթա,

Ցողածը վարդի թերթ ա.

Ինձ սիրող կտրիճ տղեն

Հազարի մեջ մի բերդ ա:

Տ: Հա՛բրբա՜ն:

Ա: Ջա՛նեջա՜ն:

Տ: Բուսել ես բաղի միջին,

Շամամի թաղի միջին.

Գիշեր ցերեկ միալար,

Դու ես իմ խաղի միջին:

Ա: Հաբրբա՛ն:

Տ: Ջանեջա՛ն:

Ա: Աշուղի պես խաղ ասա,

Բլբուլի պես տաղ ասա.

Ինչքան որ գովես` արժեմ,

Իմ մոր գովական փեսա: