Aǯişǩule govulur daği daği
Dido miğun guris derdi meraği
Oǩomdğulat si şekeri ma yaği
Si domç̌vi do domxali gyuliçkimi
Ağne odas perde kogevoǩidi
Izmoceten alis dologaǩidi
Gomǩunʒxişi mgarinis yevuǩidi
Si domç̌vi do domxali gyuliçkimi
Bazi bazi gelait̆i noğaşa
Gixosart̆i babaskaniş t̆ǩobaşa
Gyuliçkimi sin var ida başkaşa
Çkimi re do giçkit̆as gyuliçkimi