N'aggio scritto canzóne p'e stélle
dint'e ssére d'arraggio e currivo,
ma 'e ccanzóne cchiù ddóce e cchiù bèlle
so' 'e ccanzòne ca pènzo e nun scrivo.
Oi chitarra ch'aspiétte na mana
ca turnasse sti ccòrde a tentà,
nun 'o ssai ca sta sèmpe luntana
chi facéva sta vóce cantà?...
Che cuntraste pe mèza paròla...
Me lassava... 'a lassavo, pe niénte...
Po penzavo: m'aspètta... sta sóla...
e turnavo cchiù amante e cchiù ardente..
.
E 'a canzona amurosa e gentile
tutt''o vico faceva scetà...
Era Abbrile! Era Abbrile! Era Abbrile!
E l'Ammore vuleva cantà...