Gelusia [Italian translation]

"Ma cómme! Te ne viéne, me repasse

dòppo ca nce aggio puósto passióne,

de me cchiù manco p'a capa te passe,

e attuórno a chélla fai l'avucellòne!...

GELUSIA

Ma me parlasse chiaro! Me lassasse!

Gniernò! Io po' me lagno e nun va buóne!...

So' ggelósa, sti ccòse m'e penzasse,

e mai na vòta pòzz' avè raggióne!...

Accussì te ne trase, chiano chiano...

Ma 'i tèngo ll' uócchie buóne, bèllo mio!

Sti nganne 'e vvéde pure nu cecato!...

Che cride?! Ca me sto' cu 'e mane 'mmano?

Si v'arrivo a ‘ncoccià, nun vòglia Dio,

faccio jucà nu tèrno ô vicenato!"