Galèra [Italian translation]

St’auciéllo appuccenuto ‚int’a caióla

tenéva n’aria triste ‘e carcerato.

Pòvera bèstia! “È abbrile…” aggio penzato

“mo arapo ‘a purticèlla, e dico: “Vòla!”

Ll’aggio araputa, e no na vòta sóla:

Tre o quatto vòte, ma nun è scappato.

Anze, ‘a sta purticèlla s’è affacciato,

ma ‘a libbertà nun le faceva gola.

Se n’è turnato ‘nnanze â mangiatòra

quase pe dì: “Si mme ne vaco ‘a ccà,

stu ccànnevo chisà si ‘o ttròvò ancòra!

Ma certo: ‘o munno è bèllo. È primmavèra.

Ma còsta tròppo cara ‘a libbertà!”

E ha preferito ‘e rummané ‘ngalèra.