Funtana a ll'ómbra [Italian translation]

'Sta funtanèlla,

ca ména 'a tantu tiémpo ll'acqua chiara,

ha fatto 'a cchiù 'e nu sèculo 'a cummara:

piccerenèlla, venètte 'a nònna a bévere,

e ce stéva nu figliulillo,

a ll'ómbra, che 'a vedéva...

E, a ll'ómbra, tutt'e duje

accumminciàjeno a se parlá cu 'o "vvuje"...

po' ognuno 'e llòro se parlaje cu 'o "ttu"...

E, sèmpe cumpiacènte...

sti ffrónne, allegramènte,

facévano ciù-ciù...

Po' ce venètte pur'io

na vòta ca stévo arzo 'e séte

e ca cercavo 'e vvie frésche e cujète...

E te vedètte e t'accustaste

e m'accustaje pur'io

e 'o còre tujo cercava 'o còre mio...

Venèttemo 'a dóje strate...

e, pe una, ce sperdèttemo abbracciate

pe ce vasá, pe nun ce lassá cchiù...

E, sèmpe cumpiacènte...

sti ffrónne, allegramènte,

facévano ciù-ciù...

Quant'ate appriésso,

dòppo tante e tant'anne venarranno?

quant'ata matremmònie se farranno?

Mo fanno 'o stésso quase

tutt''e ffiglióle 'e stu paése

e, 'a sprùcete ca só', po' só' curtése...

E spicialmènte 'a 'state,

aspèttano 'e figliule 'nnammurate...

e 'sta funtana attacca 'a giuventù!

E, sèmpe cumpiacènte...

sti ffrónne, allegramènte,

farranno stu ciù-ciù...