Amus a fàchere brullas a su 'entu:
'che lu serramus intro 'e un aposentu,
ma promitimus de lu liberare
si nos azudat totus a bolare.
Amus a pònnere arcos de cariasa
e murichessa e fozas chentu 'e rosa
in sas ventanas e in s’oru de sa janna,
amus a fàchere una festa manna.
Lu bies fiza me’
sos sònnios nostros como andan a pe’,
lu bies fiza me’
tue ses reina e deo so re.
Amus a mùrghere s’ànima e su coro,
su ch’inde bessit balet prus de s’oro,
amus a pàschere sònnios e disizos
chi pothan crèschere tèneros che lizos.
Amus a pònnere prantas de ispera,
'che las ponimus in totu sa carrera,
amus a chèrrere paches in totube,
benzat su sole e ch’essat custa nube!
Lu bies fiza me’
sos sònnios nostros como andan a pe’,
lu bies fiza me’
tue ses reina e deo so re.