Figliu bbeddu ti voli la mamma lyrics

Figliu bbeddu ti voli la mamma

C'un cucciteddu di cùcula tunna

Si tu un ci và lu papà si nna lagna

Stu figliu bbeddu iè di la Spagna

Sutta un pedi di rrosamarina

Ca c'è Gesuzzu chi cchianta e ssimina

Chianta e ssimina lu bbasilicò

Stu figliu bbeddu si ddormentò

Si ddormentoni iè nti la culla

Iè cu Gesuni e la Madonna

E lu papà quannu rritorna

Trova stu figliu chi fa la nanna

Iè nt'alalò, iè nt'a la ninna

Stu figliu chianci ca voli la minna

E ssi stu figliu nun voli durmiri

Ittàmulu 'nterra e assàmulu iri

Figliu bbeddu chi havi ca chianci

La naca voli mmezzu l'aranci

Stu figliu bbeddu chi havi ca ridi

La naca voli mmezzu l'alivi

Nti la nacuzza cci trasi lu ventu

Pàmpini d'oru e nnuciddi d'argentu

Nti la nacuzza cci trasi lu suli

Pàmpini d'oru e nnuciddi d'amuri

Figliu bbeddu acchiana acchiana

Ca t'è ddutari lu feu a la Chiana

Figliu bbeddu e scinni scinni

Ti l'è ddutari lu feu a Scilinna

Figliu bbeddu e curri curri

Che t'è ddutari lu feu a la Turri

O si po' o nun si po'

Lu cappidduzzu pi san Calò

Lu cappidduzzu c'un vènilu a tutti

Che a me figliu lu mègliu di tutti

E la rràggia di cu nun bboli

Cci hav'a vviniri un anticori

E ad onta iè l'am'a fari

Pi la rraggiazza di me cummari

E ad onta iè l'am'a fari

Pi la rraggiazza di me cummari