Fidèle [Breton translation]

Fidel, fidel, me 'zo chomet fidel

da draoù na rit ket stad outo:

ur pardaez hañv, nijadenn ur wennilienn,

mousc'hoarzh ur bugel, un emgav...

Fidel, fidel, me 'zo chomet fidel

da draoùigoù a ra un hollved din:

un tete-ki kozh, ur voest dourlivañ,

porzh La-Nouvelle 1 e miz-Eost.

Fidel, fidel, me 'zo chomet fidel

da lec'hioù, da vignoned dous-kenañ:

un istrogell a Alberzh2, hag e c'hoar e dantelez,

ur C'hastilhet 3 nevez-flamm, ur C'hanigou 4,

ur straed a vBeziers, ur voereb Emilia,

ur vamm o loc'hañ evit Budapest,

ma zi kozh gant e stal toneller,

ha tost d'an archerdi, an trenioù 5

Fidel, fidel, me 'zo chomet fidel

da eñvor un abardaez e Montaoban,

birvidigezh divalis! hor c'halonoù, soñj 'm eus,

en em rojont en eil d'eben, yaouank tout, war ur skaon kozh.

Aet e oan kuit e-barzh noz ar vakañsoù

skañvoc'h eget ur c'hornandon d'ar sav-heol;

hogen bremañ, pa soñjan enni bremañ,

e ouelan c'hoazh war ma c'harantez gentañ.

Fidel, fidel, na perak chom fidel

pa cheñch pep tra o tec'hout kuit digeuz,

pa vezer e-unan-penn e sav war ar bontenn,

e-tal seurt pe seurt bed o teuziñ,

pa seller ouzh kement bag o tont d'ar strad

en ur gas ganto traoù e oamp en gortoz outo,

pa ouzer ne vezer nemet ur skeudenn ken

fidel da skeudennoù all da viken.

1. Port-la-Nouvelle, ur porzh war ar Mor Kreizdouarel, e departamant an Aude.2. Albert Bausil (+1943), barzh ha mignon ker da dTrenet.3. Ur c'hastel kozh e kêr Perpignan, bet treuzfurmet e mirdi Bro-Gatalogna e 1963.4. Ur beg brudet eus menez Pireneoù.5. Ouzh an hent-houarn e sell ti Charles Trenet e Narbonne.