فكروني [Fakkarouni] lyrics

كلموني ثاني عنك … فكروني

صحوا نار الشوق الشوق في قلبي .. وف عيوني ..

رجعولي الماضي بنعيمه وبغلاوته و بحلاوته وبعذابه وبأساوته …

وافتكرت فرحت وياك قد ايه .. وافتكرت كمان يا روحي بعدنا ليه ....بعدنا ليه

بعد ما صدقت إني قدرت انسى … بعد ما قلبي قدر يسلاك ويأسى

جم بهمسة وغيروني .. كانوا ليه ليه بيفكروني … بيفكرونى

***

بعد ما اتعودت بعدك غصب عني ... غصب عنى

بعد ما نسيت الأماني والتمني... والتمنى

كلمتين اتقالوا اتقالوا شالوا الصبر مني

صحوا في عينيا حنينهم لابتسامك

صحوا سمعي يود كلمة من كلامك ..

صحوا حتى الغيرة .. صحولي ظنوني

وابتدى قلبي يدوبني يدوبنى بآهاته

وابتدى الليل الليل يبقى اطول من ساعاته

واسهر اسمع نبض قلبي بيناديه

روحي فيك مهما جرى أنا روحي فيك

تسوى ايه الدنيا وانت مش معايا .. هي تبقى الدنيا دنيا الا بيك

***

اللي فات وياك يا روحي بعود اليه …

واللي عشته معاك رجعت أعيش عليه

بعد ما صدقت إني قدرت انسى … بعد ما قلبي قدر يسلاك ويأسى

جم فى همسة وغيروني .. كانوا ليه بيفكروني …

كلموني ثاني.. ثاني عنك

بعد طول حرماني منك

جرحوا الجرح اللي قرب يبقى ذكرى

سهروني أعيش فى بكرة… اعيش فى بكرة وبعد بكرة

يا حياتي انا كلي حيرة ونار وغيرة وشوقي ليك

نفسي أهرب من عذابي نفسي ارتاح بين ايديك

والخصام والهجر وليالي الآسية

كل دول ما يهونوش حبك عليا

واللي جوه القلب كان في القلب هو

رحنا و اتغيرنا احنا الا هو ..

هو نفس الحب و اكتر

هو نفس الشوق و اكتر .. هو هو هو هو

اللي فات وياك يا روحي بعود اليه …

واللي عشته معاك رجعت أعيش عليه

بعد ما صدقت إني قدرت انسى … بعد ما قلبي قدر يسلاك ويأسى

جم بهمسة وغيروني .. كانوا ليه بيفكروني …

***

اه يا حبيبي

حياتي بعدك مستحيلة …

دي الحياة ايام قليلة …

ليه نضيع عمرنا هجر وخصام

واحنا نقدر نخلق الدنيا الجميلة …

بالوداد و القرب

تجدد حياتنا بالحنان والحب تتبدل آهاتنا

والجاي نعيشة أحلى من اللي فاتنا

***

القمر من فرحنا حينور اكثر ..

والنجوم حتبان لنا اجمل واكبر ..

والشجر قبل الربيع حنشوفه اخضر

واللي فات ننساه … ننسى كل آساه

يلا نلحق م الزمن أيام صفاه..

دى الحياة من غير لقانا مش حياة

واحنا مش حنعيش يا روحي مرتين

فكروني ازاي هو انا نسيتك

انت اقرب مني ليا

يا هنايا .. حتى وانت بعيد عليا او معايا

تنتهي الايام

ونطوي العمر منا وانت حبك انت

للأبد مالوش نهاية

حبك انت ملوش نهاية