ازاي انا اقدر
انسى كلمه قالهالى؟
ازاى وحبيبى فى قلبى
وهواه على بالى؟
علطول قلبى بيقول كلامه
علطول انا بتنفس غرامه
غرام اتنين سوا
روح واحده فى الهوا
كل كلمه بقولها
لازم هو قالها ليا
وان حاولت فمره اسكت
تتكلم عينيا
واللى هيحس بكلامى
يعرف بينا ايه
لو بعدنا فى مره
روحى بتقربنى منه
وان قابلت فى يوم حبايب
قلبى يحكي عنه
وانسى مين قاعد قصادى
واتكلم عليه
بيبان عاللى بيحب
انه داب فى حبيبه
بيبان لما بيقابله
ولما بيسيبه
مشتاق وبتحمل بعاده
مشتاق وانا واقف قصاده
يا عالم فى كده؟
فى شوق بالشكل ده؟