Et si tu n'existais pas [Latvian [Latgalian] translation]

I ka teve pasaulī nabyutu,

Sok, parkū maņ vajadzātu jimā byut?

Kab dzeivuotu dzeivi bez teve,

Bez nūceju i žāluojumu?

I ka teve pasaulī nabyutu,

Es raudzeitum mīleibu izguoduot

Kai tapātuojs, kurs ar sovim pierstim

Dīnys kruosys pīdzymdynoj

I nikod nasagrīž atpakaļ.

I ka teve pasaulī nabyutu,

Sok, deļ kuo maņ vajadzātu jimā byut?

Nazkaidys mārgys gulātu iz munu rūku,

Tok es nikod jūs naīmīļuotum.

I ka teve pasaulī nabyutu,

Es byutum viņ bīdna seikšaļteņa,

Kurei mudri atīt i dreiži puorīt,

Es justumūs kai nūblūdiejs

I vys maklātum teve.

I ka teve pasaulī nabyutu,

Sok, kai maņ vajadzātu jimā byut?

Varātum apsamest, ka ite es,

Tok tei byutu na tīsa.

I ka teve pasaulī nabyutu,

Nak jau byutum es atrads

Dzeivis paslāpumu, īmesli

Viņ kab tevi radeitum

I iz teve vārtumūs.

I ka teve pasaulī nabyutu,

Sok, parkū maņ vajadzātu jimā byut?

Kab dzeivuotu dzeivi bez teve,

Bez nūceju i žāluojumu?

I ka teve pasaulī nabyutu,

Es raudzeitum mīleibu izguoduot

Kai tapātuojs, kurs ar sovim pierstim

Dīnys kruosys pīdzymdynoj

I nikod nasagrīž atpakaļ.