Ens em Vertraue lyrics

Nä, ich will nit dinge Hofnarr sinn

Dä op Kommando Wetzjer bring

Dä, wenn de met de Finger schnipps, pariert

Dä, wenn do et wills, de Sau russlöht

Nur vorzensierte Froore frööt

Un dä sich nur op Knoppdruck echauffiert

Dä de dir op Abruf programmiers

En dä de dich drinprojeziers

Wenn hä ahn dinger Stell en Lepp riskiert

All die unjeschrivvene Leeder övver dich un mich un jeder

Met un ohne un met ärsch vill Fantasie

Zwei, drei liejen ald em Kopp prat

Paar verenden en ner Schublaad

Widder andre schriev ich höchstwahrscheinlich nie

Zojejevve, paar verjess ich

Doch kei Lied ess unersetzlich

Jottseidank, kann ich nur saare: dat däät wieh

Ob ich no jetz kreativ benn

Oder manisch aggressiv benn

Subversiv oder janz einfach nur banal

Dat ich suvill negativ sinn

Kann sinn, weil ich primitiv benn

Ehrlich, mir ess dat persönlich scheißejal

Un och, ob jetz einer Krim-Sekt drink

Oder nur noh Wermut stink

Ess ahn der Pissrinn spätestens ejal

Et jitt Saache, die mich fäädisch maache

Saache, wo ich drövver laache

Sachen, wo ich Spaß hann un trotzdem

Mich nur insjeheim draan freue kann

Uss Angs, et köhm trek einer ahn

Un stochert drinn erömm noh nem Problem

Die zem Laache en der Keller jonn

Die kann ich nit nur nit verstonn

Die deue mir erheblich op et Heenz

Weder öm ze protestiere

Noch zem interpretiert weede

Ing ich dir dat, wat ich opjeschrevve hann

Maximal zem ussprobiere

Vielleicht öm ze irritiere

Ich hoff wirklich, datte dat begriefe kanns

Die mich nur bei schönem Wedder wolle

Die kann ruhig der Deufel holle

Falls dä die tatsächlich bruche kann - aber nur dann!!

Ich will öm keine Preis dä Hofnarr sinn

Dä jäjen Bares Schwachsinn sing

Och wemmer ihm dann kräftig applaudiert

Dä sich ald lang selvs nur noch Judas nennt

Un insjeheim dä Zick nohflennt

An der hä sich vür m Spejel nit jiniert

Nä, su will ich kein Sekund verschwende

Kein Loss, su affzeende

Nit met mir, ich benn nit interessiert