لما تقابل واحد وحشك، ما تسلمش وبس عليه،
احضنه جامد، مش حيكفي حضن ايديه.
واما تدندن غنوة فاكرها، غنيها ولحد اخرها.
اوعي سكوتك -- يخنق صوتك
وما تكون مع شلة صحابك، اتصور على قد ماتقدر.
علشان لما ملامحك تكبر، تلاقيهم وياك.
واما تحب اعشق حبك،
حب لاخر نبض في قلبك،
حب في بعد حبيبك عنك،
حب كأنه معاك.
لما تحس انك مخنوق، اصرخ من جواك ماتخافشي،
بص لفوق، علم قلبك انه يفوق.
لو مش عارف تسبح فكك،
سيب الشط لناسه وقوم.
عيش علــ الاخر.
نط في بحر مشاعرك عوم.
وما تكون مع شلة صحابك، اتصور على قد ماتقدر.
علشان لما ملامحك تكبر، تلاقيهم وياك.
واما تحب اعشق حبك،
حب لاخر نبض في قلبك،
حب في بعد حبيبك عنك،
حب كأنه معاك.