فاهم غلط معنى الرجولة
ماهي بشنب وبغترة وعقال
دامه مشى ورا ميوله
ما همه اللي قيل وينقال
ما يشرّف الجلاّس زوله
خاين ردي كذاب ومحتال
اللي يخون بكل سهولة
اسمح لي ما أسميه رجّال
تقدر ولك صولة وجولة
روح الزمن يرجع لي الأثقال
ابعد عن عيال الحمولة
دور على مثلك من أشكال
الغصن عالي ما تطوله
ولا كل من يهزه يطال
قلبي مع الشرقي ميوله
ولا يوم صوبك انحنى ومال
يا بنت سمعي اللي بقوله
بكلمة وبس تغني عن أمثاله
لا يغرك بعرضه وطوله
ولا يشتري قدرك بالأموال
ماهو الرجل باللي يقوله
لو ما صدق كلماته بأفعال
كم قامت برجّال دولة
وطاحت يا ويلي بسبة رجّال