الليل غير [El Lail Ghair] lyrics

الليل غير..الجو غير..الشعر غير ..و الناس غير

صلوا على ذكر النبي صلوا على ذكر النبي

تبونها بالشر شر تبونها بالخير خير

ولا نحكم هالبنات بما تبون وما نبي

جمهور غير بو شهاب غير فزاع غير والاب غير

صلو على ذكر النبي صلو على ذكر النبي

تبونها بالشر شر تبونها بالخير خير

ولا نحكم هالبنات بما تبون وما نبي

وأنا لو حكمت البنات..العذر يا الجمع الغفير

ارتاح من شكل الاسد واموت بشكل الظبي

الامسية ما هي بكرسي طاولة نجما كبير

ولا هي بأعجاب بنت فاتنه او صبي

الامسية شعور أشعر به وانا طفلا صغير

في مشرقي احس به وأحس به في مغربي

ومشاعري كأني محرك من دبي عن العصير

الريس الدوله حفظه الله داخل بو ظبي

من شدة النشوه على حدت السحب يمكن اطير

مع صديقي وحبيبي وأبن امي وابن ابي

وفي المرجله معاي خبرة سيد المجد الخبير

ابوي محمد بن راشد ال مكتوم فارسنا الآبي

والله لو ما لي قدم وتشلني على المسير

على دروب اهل المراجل والله لحبي حبي

لكن حبيبت قلبي إلي ثائره وتستثير

مشاعري ورغبتي وكل جهدي وتعبي

إن كنها من بينكم قولو ترا وضعي خطير

دخليكم دخيلكم يا اهل الغطاوي والعبي

قدام تسمع صوتي الي يبث على عبر الأثير

ولا تشاهد صورتي على سما دبي

قولولها مشاعري في الوقت الاول والاخير

الاوله جتها هدو والثانية جتها سبي

بنت حريرية قبل ما تلبس انواع الحرير

الشطر هذا للذكي اهديه ما هو للغبي

لو شفت يا محمد إبن المر مدري وش يصير

كتبت فيها اجمل الي تكتبه يا صاحبي

ولو شافها ضيدان بن قضعان دندن يا ستير

وغنالها من وصف نسناس الشمال إلي تبي

و لو شافها ابن الذيب سل السيف من غمد الجفير

و اعلن حروب العشق في بحر الغرام العربي

و لو شافها الشاعر سعد علوش و ارسله نذير

باحلى قصيدة صوب بن جدلان سعد الاكلبي

و لو شافها حامد ولد زيد بالشعور المستنير

لقى الخناجر الاربعة في قلبي و في منكبي

و لو شافها الشاعر سعيد دري تلقونه كسير

يقرى عليها سورة الكوثر و صلى عالنبي

و لو شافاها الشاعر خلف هذال باحساس الامير

راح السعودية كلها ساعة و راجع الى دبي

ولو شفتها يا أحمد ... نسيت الشعر والجمع الغفير

وطلبت ختم الأمسية يابن أمي وبن أبي

حبيبتي اجمل بشر .. أحلى فرس أطهر عبير

وبين الظبا وان صنفوها ظبي هي أحلى ظبي