بصي من ورا الستارة ع الناس اللي ماشية تحت
بيسجدوا لأصنام شبعوا فيها نحت
تعالي أعلمك ازاي انا بنحت عمري ما اركع
اي حاجة حلوة في عينك، اكرهيها فورا
ها؟! مش حاسة بتحسن عن من لحظة
ع الاقل مافيش جزيرة هتعوميلها اصلاً؟
طيب، اثبتي علي كدة، انتي مكانك هنا
مش هنعمل أي حاجة بلاش نعملهم علي نفسنا
ماتطفيش النور، عن مين هنداري اللي بنعمله؟
مش هنبقي في المستنقع ونجيب عطر نستنشفه!
بصي لمنظرنا، هربانين من ضلمة لضلمة
انتي وانا عارفين ان جهنم في انتظارنا
مابحطش إكليل فوق مساكن ميتين
يوم حسابي مش هتداري، هتستخبوا يا كدابين
مريض بأحدث مرض نفسي هيكتشفوه علي الكوكب
مش هتلاقي احسن مني ولا هتلاقي اسوء
مستني اننا نقرب، رغم كنا بنبعد اوي
مستني تقاطع تاني لخط مايل مع مستوي
اقصر طريق ما بيننا اقصر جزء فيه ملتوي
أقصي شيء ربط ما بيننا كان في حياتنا شيء ثانوي
ابعد عنها شوية ماتمسكش فيها بضفرك
اللي انت بتتنفسه دا ثاني أوكسيد كاربونها
بطل تدقق فيها وانت صاحي وقت نومها
مش هتحس انك سهرت، حارس غطاها الليلة بطولها
هي عارفة انك مريض، هي حابة انك مريض
هي فاهمة مهما النظرة بس كارهة انك صريح
قدف انت وهي لحد وصولها بالسلامة
وامشي من حياتها لكن سيب لها انقاض كلامك
تعالي اعلمك ازاي انا بجري عمري ما انهج
شايفة ابعد نجمة اقرب حد مني ابعد
ويزيد البعد، تزيد القوة، يضيق النفس، احس بذعر
يطول نفسي، ومهما جعت، ازيح عن طرقي كل طعم
ارمي فوق العرش التاج، غيري برضو مش ملاك
انا مرض بقول انا مرض، هو مرض هيقول انا علاج
بحطم الأصنام اللي انت عايشة بتعبديهم
عشان تتوبي مش تعملي واحد وتسجديله
مستني اننا نقرب، رغم كنا بنبعد اوي
مستني تقاطع تاني لخط مايل مع مستوي
اقصر طريق ما بيننا اقصر جزء فيه ملتوي
أقصي شيء ربط ما بيننا كان في حياتنا شيء ثانوي