lon seme la sina lon tenpo pini?
o toki e ona tawa mi.
tenpo pini la mi lon meli sama pi mama meli mi.
a! ike li kama tawa mi!
tenpo pini la sina pali e seme lon ni?
o toki e ona tawa mi.
mi moku e moku en telo kin.
a! ike li kama tawa mi!
sina moku e seme lon ni?
o toki e ona tawa mi.
moku telo poka sin Pepei lon ni.
a! ike li kama tawa mi!
sina moku e telo seme?
o toki e ona tawa mi.
poki pi telo nasa Wino.
a! ike li kama tawa mi!
soweli Unto en Kato li moku e seme?
o toki e ona tawa mi.
ona li moku e moku telo poka sin Pepe.
a! ike li kama tawa mi!
tenpo monsi la seme li kama?
o toki e ona tawa mi?
ona li kama moli pi ike mute.
a! ike li kama tawa mi!
sina wile e seme tawa mama mije sina?
o toki e ona tawa mi.
mi wile e supa monsi lon ma pi mama sewi.
a! ike li kama tawa mi!
sina wile e seme tawa mama meli sina?
o toki e ona tawa mi.
mi wile e supa monsi lon ma pi akesi ike suli.
a! ike li kama tawa mi.
a! ike li kama tawa mi.