عيد النظر، أرجوك بس عيد النظر
والله ما جيتك حبيبي أجبرك
أنا أعتذر إن كان باقيلي عذر
وأنا أوعدك أني أبد ما أقهرك
أرجوك، أبي منّك أنا فرصة عمر
فرصة ترجّع نوم عينٍ تسهرك
ارفق علي بالله لا تنوي الهجر
ومنّي وعد يا قلبي أجبر خاطرك
جيتك أمل وأحلام وأشواقي بحر
جيتك سما وغيوم حبّي تمطرك
يا أجمل عمر ياللي ابتدا فيك العمر
وباقي العمر أبغيك فيه وأشعرك
ايه أعشقك إن كان ما عندك خبر
وإني أحبك موت وجيت أخبّرك
أنت الهوى وأنت الهنا وأغلى البشر
يا غايتي وشلون قلبي يخسرك