عمري ما هسمح لحد فيكو يجيب في سيرته
ولا حد يتكلم قصادي وحش عليه
هوا جرحني بس لما بعدت وسبته
جرحي نسيته وحتى حقي سامحته فيه
أنا ما اشتكيتش عشان تقولوا كلمه عنه
ده ما كنش فيه حد أقرب ليا منه
واحنا افترقنا زي أي اثنين حبايب
جايين عليه كده ليه بقى في كلامكو ليا
مش بالكلام ده تجرحوه وتجاملوا فيا
وعيب عليكو تجيبوا سيرتو وهوا غايب
ده كان حبيبي وكل شيء في الدنيا ليا
أنا مش حقول ولا كلمه ولا حغلط في حقه
لو حبقى فاكره بس جرحه وظلمه ليا
يبقى أكيد الجرح ده كنت أستحقه